AAF “Sürətin evolyusiyası” avtomobil sərgisini keçirəcək

Azərbaycan Avtomobil Federasiyası (AAF) mayın 17-də klassik avtomobillərin, mayın 18-də isə sürət avtomobillərinin sərgisini keçirəcək. 

Avtosfer.az xəbər verir ki, “Sürətin evolyusiyası” adlı sərgi Əziz Əliyev küçəsindən başlayaraq Qoşa Qala qapısının qarşısınadək təşkil olunacaq. 

Mayın 17-də 1985-ci ilədək istehsal olunan klassik avtomobillər, mayın 18-də isə “Supercars”, eləcə də müxtəlif sürət avtomobilləri nümayiş etdiriləcək. 

Bu kateqoriyalarda avtomobillərini nümayiş etdirmək istəyən şəxslər qeydiyyat üçün [email protected] ünvanı və ya (+994 50) 295 01 00 telefon nömrəsi ilə AAF-a müraciət edə bilər.

Sərgidə müxtəlif illərə və ölkələrə aid klassik avtomobillərlə yaxından tanış olmaq, nostalji dolu anlar yaşamaq, eləcə də klassik avtomobillərdən sürət avtomobillərinədək sürətin evolyusiyasını görmək mümkün olacaq. 

AAF mayın 17-də keçiriləcək avtomobil sərgisi ilə klassik avtomobillərlə bağlı tədbirlər mövsümünü açmış olacaq. AAF-ın klassik avtomobillər üzrə tədbirlər mövsümü avqust ayında şəhərdə keçiriləcək yürüşlə başa çatacaq.