"Avropada ilin avtomobili" mükafatına namizədlər açıqlandı

Hər il keçirilən "Avropada ilin avtomobili" mükafatına namizədlər bəlli olub. Gələn il martın 1-də açıqlanacaq nominasiyaya 29 model namizəd olub.

TED.az xəbər verir ki, 1964-cü ildən keçirilən "Avropada ilin avtomobili" mükafatına namizədlər 2020-ci ilin son rübündə buraxılmış avtomobillərdir.

Bunlar ikimərhələli münsif qiymətləndirməsindən keçiriləcəklər. İlk turda finala çıxmaq üçün 29 nəqliyyat vasitəsi bir-biri ilə yarışacaq. İkinci mərhələdə isə seçimlərdən uğurla keçən 7 model növbəti mərhələyə vəsiqə qazanacaq. Birinci turun cavabları 8 yanvar, yekun nəticələr isə 1 martda açıqlanacaq.

"2021 Avropa ilin avtomobili" nominantları arasında Mercedes-Benz ən diqqət çəkən markalardan olub. Almaniya avtomobil istehsalçısının 4 modeli namizədlər siyahısında yer alıb. Hyundai yarışa 3 fərqli model ilə qatılıb. BMW, Honda, Toyota, Ford və Volkswagen kimi markalar 2 fərqli model ilə siyahıda yer almağı bacarıblar. 

Mükafata namizəd olan avtomobillərin siyahısını təqdim edirik:

-Audi A3;

-F44 BMW 2 Series Gran Coupe;

-G22 BMW 4 Series;

-Citroen C4;

-Cupra Formentor;

-Dacia Sandero;

-Fiat 500;

-Ford Explorer;

-Ford Kuga;

-Honda e;

-Honda Jazz;

-Hyundai i10;

-Hyundai i20;

-Hyundai Tucson;

-Kia Sorento;

-Land Rover Defender;

-Mazda MX-30;

-Mercedes-Benz GLA;

-Mercedes-Benz GLB;

-Mercedes-Benz GLS;

-Mercedes-Benz S-Class;

-Peugeot 2008;

-Polestar 2;

-Seat Leon;

-Skoda Octavia;

-Toyota Mirai;

-Toyota Yaris;

-Volkswagen Golf;

-Volkswagen ID.3.