Avtomobil həvəskarları daha çox xərcə düşəcək

“Avtomobil nəqliyyatı haqqında” qanunun gətirdiyi başqa bir yenilik ölkəmizdə dövriyyədə olan avtomobillər üçün ehtiyyat hissələrinin sertifikatlaşdırılması ilə bağlıdır. Qanunun tətbiqi barədə Prezident fərmanında birmənalı olaraq tapşırıq verilir ki, ölkəmizdə bütün ehtiyyat hissələrinin məcburi sertifikatlaşdırılması həyata keçirilsin. Bu o deməkdir ki, xaricdən gətirilən və ölkədə istehsal olunan bütün ehtiyyat hissələri sertifikatlaşdırılmalıdır. Əks təqdirdə onlar dövriyyədən çıxarılacaq. Bu yenilik ölkəmizdə nəqliyyat parkının sazlığını təmin etməyə, keyfiyyətli texniki xidmət göstərilməsinə, nəticədə yol hərəkəti təhlükəsizliyinin artırılmasına yönəlib. Lakin məcburi sertifikatlaşdırmanın da bazara təsirsiz ötüşməyəcəyi aydındır. Ona görə də avtomobil həvəskarlarının daha çox pul xərcləyəcəkləri gözləniləndir. 

Ərşad Hüseynov