Avtomobil sürməyi öyrənməyə gələn şagird Formula 1 sürücüsü çıxdı - VİDEO

Dünya şöhrətli rusiyalı sürücü Danil Kvyat Moskvada yaşlı həmyerlisinin əsəblərini sınaqdan keçirib. Avtosfer.az atv.az-a istinadən xəbər verir ki, təlim məktəblərindən birinə gələn  Danil əvvəl hər kəsi özünün şagird olduğuna inandıra bilib. Bir neçə dərsdən sonra təlimçi ilə birgə köhnə Lada markalı avtomobilin sükanı arxasına keçən  peşəkar sürücü, ayağını sürət pedalından çəkməyib.  Şagirdinin sürətlə maneverlər etdiyini görən təlimçi nə baş verdiyini anlamaqda çətinlik çəkib. Çox qorxduğu sifətindən görünən yaşlı adam özünü soyuqqanlı aparmağa çalışaraq, “şagirdini” sakitləşdirməyə çalışıb. Təlimçi Danilə maşını kənarda saxlamağı məsləhət görməyinə də peşman olub. Maşını yerində fırladan çılğın sürücü, avtomobillə dairələr cızmağa davam edib. Təkcə sürət qadağasını pozsa da bütün tapşırığın öhdəsindən uğurla, həm də hamıdan  tez gələn Danil  yeni sürücülük vəsiqəsi almağa da müvəffəq olub. Onun kim olduğunu isə təlimçi daha sonra xəbər saytlarından öyrənib.