"AvtoVAZ" üçhəftəlik məzuniyyətə çıxır

Rusiyanın avtomobil istehsalçısı "AvtoVAZ" iyulun 27-dən üçhəftəlik korporativ məzuniyyətə çıxır. "APA-Economics" xəbər verir ki, bu barədə "AvtoVAZ"ın dərc etdiyi məlumatda deyilir. Korporativ məzuniyyət avqustun 16-dək davam edəcək. Eyni zamanda İjevsk şəhərindəki "Lada" və Tolyattidəki "Lada Qərb" istehsalat sahələri də məzuniyyətə çıxacaq. Məzuniyyət dövründə "AvtoVAZ" qrupunun müəssisələrində avadanlıqların planlaşdırılmış modernləşdirilməsi davam etdiriləcək və işçilərin iş şəraitinin yaxşılaşdırılması proqramı daxil olmaqla zəruri təmir işləri aparılacaq.