Bentley Continental GT yeni rənglərə və sükan çarxına sahib olub - FOTO

Avtodünya 27 İyul 2020 00:12 Oxunub 7596
Bentley Continental GT yeni rənglərə və sükan çarxına sahib olub - FOTO
WhatsApp kanalımıza abunə ola bilərsiniz

entley şirkəti yenilənmiş Bentayga krossoverini təqdim etdikdən sonra, Continental GT kupe və kabrioletinin avadanlıqlar siyahısını yenidən nəzərdən keçirib. Bu modellərin rəng palitrasına üç yeni rəngi əlavə edilib. Bundan başqa, kupe və kabriolet yeni sükan çarxına sahib olublar.

Yenilənmiş Bentley Bentayga krossoveri ilə birlikdə iki yeni kuzov rəngi debüt edib: EXP 10 Speed 6 konseptinin rənginə əsaslanan Viridian və Patina. İndi bu rənglər Snow Quartz rəngi ilə birlikdə Bentley Continental GT modelləri üçün də əlçatandır.

Avtosfer.az autograph.az-a istinadən bildirir ki, beləliklə, modelin palitrasında 62 standart çalar vardır ki, bu da avtomobilini fərdiləşdirmək istəyənlərə 10 milyarddan çox mümkün konfiqurasiyanı təklif edir. Bu gündən başlayaraq, V8 mühərriki ilə təchiz edilmiş Continental GT kupesini panoram dam ilə sifariş etmək mümkündür. Əvvəllər belə dam yalnız W12 mühərriki ilə təchiz olunan modelin imtiyazı idi.

Daha bir yenilik, fərqli formaya və dizayna malik olan sükan çarxıdır. Sükan çarxı duyğu sensorları ilə təchiz edilmişdir ki, bu sensorlar da yarıavtonom idarəetmə sistemlərinin işləməsi üçün zəruridir, çünki bəzi ölkələrdə qanunvericilik sürücünün yolu diqqətlə izləməsini və əllərini sükandan çəkməməsini tələb edir.

ŞƏRH YAZ
Ad

E-mail

Şərh