“Rolls-Royce” şirkəti 9 min işçisini ixtisar edəcək

Məşhur “Rolls-Royce” şirkəti kütləvi ixtisarlara başlayıb. “MediaPost” “Reuters”ə istinadən xəbər verir ki, Böyük Britaniyanın avtomobil brendi və təyyarə mühərriki istehsalçısı “Rolls-Royce” 52 min əməkdaşından 9 minini ixtisar edəcək. Bununla şirkətin il ərzində 1,59 milyard dollara qənaət etmiş olacağı bildirilir.

İxtisarlara səbəb koronavirus pandemiyası ilə əlaqədar olaraq aviareyslərin kəskin azalması olub.

Adıçəkilən brend əsasən “Boeing 787” və “Airbus A350” təyyarələri üçün mühərriklər istehsal edir.