Çin "Tesla"nın elektrikli maşınlarını vergilərdən azad edib

Çin Sənaye Nazirliyi ABŞ-ın avtomobil istehsalçısı "Tesla"nın bu ölkədə istehsal etdiyi "Model 3" elektrikli maşınları vergilərdən azad edib.

"Report" bu barədə xarici mətbuata istinadən xəbər verir.

Qeyd edək ki, noyabr ayında Sənaye Nazirliyi "Model 3" avtomobillərini dövlət subsidiyaları üçün nəzərdə tutulan siyahıya daxil edib.

Xatırladaq ki, iki ölkə arasında ticarət müqaviləsinin birinci hissəsi razılaşdırıldıqdan sonra Çinin ABŞ-dan idxalı artıb və gələn il bu rəqəmin daha da artması gözlənilir.