"Formula 1 ": 2021-ci ilin təqviminə yeni Qran-Pri əlavə olundu

Səudiyyə Ərəbistanı "Formula 1" üzrə 2021-ci ildəki dünya çempionatının ev sahiblərindən biri olacaq.

Avtosfer.az yarışın rəsmi saytına istinadən xəbər verir ki, sözügedən ölkədə təşkil olunacaq Qran-Pri artıq yeni mövsümün təqviminə əlavə olunub.

Ciddə trasında nəzərdə tutulan yarış gecə saatlarında süni işıqlandırma şəraitində olacaq.

Səudiyyə Ərəbistanı Qran-Prisinin yarışın Braziliya mərhələsini əvəz edəcəyi gözlənilir.