"Honda" Yaponiyada iki zavodunun işini dayandırır

Yapon avtomobil istehsalçısı "Honda" yeni növ koronavirusun yayılması səbəbiylə Saytama prefekturasındakı iki zavodda istehsalını dayandıracaq.

Avtosfer.az-ın Trend-ə istinadən məlumatına görə, bu barədə yerli Kyodo agetliyi xəbər yayıb.

Sayama şəhərindəki miniven buraxan zavod aprelin 27-dən mayın 1-dək, krossoverlərin yığıldığı Yoria şəhərindəki zavod isə aprelin 27-dən eyni ayın 29-na qədər istehsalı dayandıracaqlar.

Daha əvvəl ölkədə "Mitsubisi Motors" və "Subaru" avtomobil istehsalçıları zavodlarının bağlanması barədə məlumat verib.