“Lexus”-un kabrioleti 2 milyona satıldı - FOTO

“Lexus LC500 Convertible”-ın ilk nüsxəsini  “Barret-Jackson” auksionunda 2 milyon dollara satılıb. Avtosfer.az xəbər verir ki, avtomobili alan şəxs bu ilin iyul ayında onu əldə edə biləcək.

Qeyd edək ki, “Lexus LC” modelinin kabriolet versiyası 2019-cu ilin noyabr ayında Los-Anceles motor şousunda təqdim edilmişdi. Avtomobil “Lexus” şirkətinin ilk serialı buraxılışıdır.
Avtomobil dördseksialı yumşaq dam alıb. Damın açılıb yığılmasına 15-16 saniyə vaxt tələb olunur, özü də bunu 50 km/saat sürətlə hərəkətdə olarkən etmək mümkündür.
Güc aqreqatlarına gəldikdə, “Lexus LC500 Convertible” 5-litrlik, V8 mühərriki ilə təchiz edilib. Mühərrik 477 at gücünə və 540 Nm fırlanma anına malikdir, avtomobil 10-pilləli avtomat sürət qutusu ilə birgə çalışır.

Nazim Nadiroğlu