Lüis Hemilton yeddiqat dünya çempionu oldu

İstanbul şəhərində "Formula 1" üzrə Türkiyə Qran-prisi keçirilib.

Avtosfer.az qol.az-a istinadən xəbər verir ki, "Mercedes" pilotu, ingiltərəli Lüis Hemilton yarışın qalibi olub. "Racing Point"dən Serxio Peres 2-ci, "Ferrari"dən Şarl Lekler isə 3-cü yerə sahib çıxıb.

Hemiltonun komanda yoldaşı və ən yaxın izləyicisi Valtteri Bottas finişə 14-cü çataraq, xal toplaya bilməyib. Nəticədə onların arasındakı xal fərqi 110-a çatıb ki, bu da britaniyalı pilotun sona 3 yarış qalmış dünya çempionu olmasına şərait yaradıb.

Beləliklə, Hemilton karyerasında 7-ci dəfə dünya çempionu olub. Nəticədə o, Mixael Şumaxerin rekorduna şərik çıxıb.