Maşın üçün təkər seçərkən nəyə diqqət etməliyik? - QAYDALAR

Yeni və ya istifadə olunan təkərlər alarkən, hər bir sürücü avtomobil təkərinin kənarındakı bəzi işarələrin mənasını bilməlidir.
Küncü yuxarı istiqamətlənən kiçik bir üçbucaq – təkərin eyni ölçüdə aşınmasının göstəricisi adlanır. Diqqətinizi təkərin yan tərəfində yerləşən bu işarənin ən vacib işarələrdən biri olduğuna yönəltmək istəyirəm.
Bu göstərici ən çox rezin yan tərəfində yerləşir və bir-birindən eyni məsafədə yer alır.
Bu vəziyyətdə üçbucaq rezinin protektorunun üst qatına yönəldilmişdir. Rezinin üstündəki üçbucaq boyunca, avtomobil təkərlərinin nə qədər köhnəldiyini müəyyənləşdirən bir xətt var.

Bu göstərici ümumiyyətlə nəyə görə mövcuddur?

Məsələ burasındadır ki, istifadə olunan rezin alarkən satıcının "təkərin yalnız bir mövsüm istifadə olunduğunu" deməsinə inanmaq həmişə mümkün olmur.
Təkərlərin nizamlanması (razval) pozularsa, təkərin qeyri-bərabər aşınması baş verir. Üst protektordakı göstərici bərabər olsa da, yan tərəfdə isə artıq silinibsə, belə rezini istifadə etmək olmaz.
Bundan əlavə, bəzi rezin istehsalçıları öz göstəricilərini qeyd edirlər. Rəqəmləri birbaşa protektorun üst qatına həkk edirlər. Satınalma zamanı onları tapmadınızsa, o zaman belə rezini daha istifadə etmək tövsiyə edilmir.
Təkərləri seçərkən və yolda diqqətli olun.

Hazırladı: Natiq Nazimoğlu

Avto Klub Azərbaycan