«Maşını bərk sürməyi atamdan öyrənmişəm»

Müğənni Rüfət Axundov özü ilə bağlı maraqlı faktlar açıqlayıb. İfaçı “Əslində mən” verilişinə açıqlamasında avtomobili sürətli sürdüyünü etiraf edib: “Maşını bərk sürməyi atamdan öyrənmişəm. Həmişə deyirdi ki, “əyləc yalnız avtomobili saxlamaq üçündür”. Başqa həyat yaşayırdım - əyləncə, gecə klubları, sürətli maşın sürmək, zarafatlar. Dəlisov, çılğın həyat keçirirdim. Ailə qurdum, övladım dünyaya gəldi. Anam nəsihət verdi ki, “atasan, bəsdir”. İndi tamamilə dəyişmişəm. Başa düşdüm ki, bu yolun sonu yoxdur. Həmin çılğınlıqlarım geridə qalıb. İndi övladlarımı böyütməyi, toylarını görməyi arzulayıram”.