“Niva”nın xüsusi “Black” seriyası satışa çıxacaq - FOTO

“Niva”nın xüsusi “Black” seriyası satışa çıxacaq

“Lada 4x4 Urban”ın “Black” seriyası istehsal ediləcək.

Avtosfer.az “AvtoVAZ News”a istinadən xəbər verir ki, yolsuzluq avtomobilin bu xüsusi seriyası məhdud sayda (“limited edition”) buraxılacaq.

Bildirilib ki, “Black” seriyasını digərlərindən qara kuzov, avtomobilin ön pərlərindəki loqotip və qara rəngdə təkər diskləri ilə fərqləndirmək mümkündür.

Avtomobilin interyerində də qara rəngə üstünlük verilib. Belə ki, bu rəngə maşının tavanı, əl tutacağı, günlüklər, həmçinin “ERA-QLONASS” blok sistemi boyanıb. Bundan başqa, oturacaqlara orijinal formada üz çəkilib, ön oturacaqlarda “Black” yazısı tikilib.

Məlumata görə, bu seriyanın qiyməti “Lada”nın standart komplektasiyasından təqribən 600-720 manat daha baha olacağı proqnozlaşdırılır.

Musa Qocazadə