Pikapı səyahət avtomobilinə asanlıqla belə çevirmək olar - FOTO

“NuCamp” şirkəti orta ölçülü pikap sahibləri üçün universal həll - “Cirrus 620” səyahət dəsti təklif edib.

Avtosfer.az xarici KİV-ə istinadən xəbər verir ki, bu avtomobillərin əsas üstünlüyü 680 kq-dan az olmasıdır.

Kiçik ölçülü olmasına baxmayaraq hər şəraitlə təchiz olunmuş avtomobillərin bir əhəmiyyətli çatışmazlığı var ki, o da duş yerinin olmamasıdır.

“NuCamp 620” isti suyu olan əl-üzyuyan, soyuducu, soba, açıq boz rəngli taxta mebel, geniş dolablar, gizli kaset tualet, yataq və mini mətbəx ilə təchiz olunub.

Şirkət əlavə olaraq smartfonlardan idarə oluna biləcək istilik və isti su sistemi, ehtiyat su anbarı, fərdi işıqlandırma və havalandırma quraşdırır. Təmiz su anbarının həcmi 82 litr, tullantı çəni 55 litrdir. Səyahət sevənlər bütün il boyu belə bir avtomobildə tam rahatlıqla gəzə bilərlər.

Şirkət yeni “Cirrus 620” istehsalına artıq başladığını və yaxın aylarda məhsulun “NuCamp” dilerlərinə çatdırılacağını bildirib.

Nərminə Əli