Qadının avtomobil nömrəsini oğurlayan şəxs tutuldu

Bakıda qadının avtomobil nömrəsini oğurlayaraq öz maşınına vuran şəxs saxlanılıb. Avtosfer.az Daxili İşlər Nazirliyinin (DİN) rəsmi saytına istinadən xəbər verir ki, Xətai rayonu ərazisində Gülay Orucovaya məxsus “Hyundai” markalı avtomobildən oğurlanmış dövlət qeydiyyat nişanları üzərində olan “VAZ 2107” markalı avtomobilin Mərdəkan qəsəbəsi ərazisində hərəkətdə olması DİN-in Təhlükəsiz Şəhər Xidməti əməkdaşları tərəfindən aşkar edilib və Xəzər Rayon Polis İdarəsinin (RPİ) əməkdaşları tərəfindən görülmüş tədbirlərlə saxlanılıb.

Faktla bağlı araşdırma aparılır.