Rusiyada kommersiya avtomobillərinin satışı tarixi minimumu yeniləyib

Bu ilin aprel ayında Rusiyada yüngül kommersiya avtomobillərinin satışı ötən ilin eyni dövrü ilə müqayisədə 72,4% azalaraq 38 922-yə enib.

Avtosfer.az “Report”-a istinadən xəbər verir ki, bu, Rusiyada fəaliyyət göstərən Avropa Müəssisələr Birliyinin (AEB) açıqlamasında deyilir.

“Koronavirus pandemiyası səbəbi ilə tətbiq olunan məhdudiyyətlərə görə, avtomobil satışları durma nöqtəsinə çatıb. Aprel ayında yüngül kommersiya avtomobillərinin satışları 72,4%-lə tarixin ən böyük azalmasını yaşadı”, - deyə qurumdan bildirilib.

Qeyd edək ki, Rusiyada “COVID-19” pandemiyasına qarşı martın 28-dən bəri tətbiq edilən inzibati məzuniyyət müddəti bu gün başa çatıb.