Tank, yoxsa traktor: SSRİ-nin nəhəng avtomobili - FOTO

1950-ci ildə kütləvi istehsalata başlayan AT-T (Ağır Artilleriya Traktoru), 35 km / saat sürətdə 25 tona qədər olan top və raket sistemlərini daşıyırdı. Avtosfer.az xəbər verir ki, nəqliyyat vasitəsi müharibədən sonra T-54 tankının şassisindən istifadə edilərək yaradılıb. Mühərrikin gücü - 415 at gücü, sürət qutusu -5 pilləli, yüklə birlikdə orta torpaq təzyiqi - 0,65 kq / sm² təşkil edib.
Dərinliyi 1,1 metr, eni 1,8 metr olan xəndəyi asanlıqla keçə bilən bu nəqliyyat vasitəsi ən çətin iqlim şəraitində belə hərəkət etmək qabiliyyətindədir. Avtomobil həm SSRİ-nin çətin bölgələrində, həm də Antarktidada istifadə edildi. Yüz kilometrə traktor təxminən 140 litr yanacaq və 4 litr yağ sərf edirdi.

Nərminə Novruzova