Teslada çalışanlar əslən bu ölkələrdəndir

Tesla şirkəti əməkdaşlarının etnik kökü ilə bağlı hesabat paylaşıb. Ortada bir sübut olmasa da, şirkət hesabatdan sonra irqçilikdə günahlandırılıb. Çünki hesabata görə, Tesla-nın idarə heyətinin yalnız 4%-ni qaradərili insanlar təşkil edir.

TED.az xəbər verir ki, hesabata görə, Kaliforniya, Neva və Nyu Yorkdakı fabriklərdə işləyənlərin 60%-i qaradərilidir, yaxud Asiya, Amerika adalarındandır. Bununla yanaşı, işçi qüvvəsinin 79%-i kişilərdən ibarətdir. Hesabatda, rəhbər vəzifələrdə kişi işçilərinin nisbətinin 83% olduğu qeyd edilib. Rəhbər heyətin 59%-i isə ağdərililər təşkil edir. 

Göstəricilərə görə, işçi qüvvəsinin ümumilikdə cəmi 10%-i qaradərililərdən ibarətdir. Asiyalı işçi qüvvəsinin isə kollektivin 21%-ni təşkil etdiyi bildirilib. İdarə heyətindəki kadrların 25%-i asiyalıdır. Bu, yeni işə qəbul olunanların 20%-i deməkdir.