Volkswagen Transporter T7 Türkiyədə istehsal ediləcək

Volkswagen şirkəti keçən ay Türkiyədəki investisiyalarını dayandıracağını açıqlamışdı. İddialara görə, daha sonra Ford ilə əldə edilən razılaşma nəticəsində Volkswagen Transporter Türkiyədə istehsal ediləcək.

TED.az xəbər verir ki, Ford və Volkswagen 2019-cu ildə elektrikli nəqliyyat vasitələri və mikroavtobuslar istehsal etmək barədə razılığa gəliblər. 

Ford Otosanın açıqlamasında 2026-cı ilin ortalarına qədər Kocaeli fabrikinin istehsal gücünün 440 mindən 650 minə çatdıracağı qeyd edilib. Bildirilib ki, Volkswagen Transperter modeli də elə Kocaeli müəssisəsində istehsal olunacaq.

İki şirkətin maliyyə çatışmazlığına görə, ortaq fəaliyyət göstərəcəyi gözlənilir.

Elektromobil bazarına daxil olan Fordun elektrikli Volkswagen MEB platformasından yararlanacağı iddia edilir.