Volvo elektrikli mühərrik istehsalına 83 milyon dollar investisiya yatıracaq

Çinin Geely Holding-nə məxsus Volvo Cars şirkəti elektrikli mühərrik istehsalına 700 milyon kron (təxminən 83 milyon ABŞ dolları) investisiya yatıracaq.
TED.az Reuters-ə istinadən xəbər verir ki, şirkət İsveçin Skovde şəhərindəki aqreqat zavodunda elektrik mühərriklərin yığımına başlamağı planlaşdırır.
Bu iş Volvo Cars-ın törəməsi - Powertrain Engineering Sweden-ə həvalə ediləcək.
Volvo-nun digər planına görə isə, 2025-ci ilə qədər qlobal satışlarının yarısı tamamilə elektrikli avtomobillərdən, yarısı isə hibrid avtomobillərdən ibarət olacaq.