"Xaliq Faiqoğlu" şirkəti payız-qış mövsümünə hazırdır - FOTO

"Xaliq Faiqoğlu” şirkəti qarşıdan gələn payız-qış mövsümünə hazırlıq işlərini başa çatdırıb. Əvvəlcədən tərtib edilmiş tədbirlər proqramına uyğun olaraq cari ilin 15 sentyabr tarixindən etibarən şirkət tərəfindən nəqliyyat vasitələrinin texniki müayinəsi, o cümlədən istilik və qızdırıcı sistemlərin sazlığı, şinlərin mövsümə uyğunlaşdırılması, şüşə silgəclərinin dəyişdirilməsi təmin edilmişdir. Eyni zamanda istehsalat bazalarında iqlim şəraiti ilə əlaqədar tədbirlər görülmüşdür. Belə ki, Təmir Mərkəzində texniki xidmət heyəti arasında qış mövsümünə hazırlıqla bağlı müvafiq təlimatlandırma və planlaşdırma aparılmışdır. Bundan əlavə mövcud pandemiya şəraitində, yoluxma hallarının qarşısının alınması məqsədilə avtobuslarda dizinfeksiya tədbirləri davam etdirilməkdədir. Bu məqsədlə müvafiq lisenziya malik olan “Gigiyena Məkanı” MMC ilə bağlanmış müqaviləyə əsasən avtobuslarda hər növ viruslara qarşı kimyəvi üsulla dezinfeksiya tədbirlərinin aparılmasını təmin edilir. Həmçinin şirkət tərəfindən “Fire Safety Caspian Azerbaijan” MMC ilə bağlanmış müqaviləyə əsasən, avtobuslarda odsöndürən balonların və digər təhlükəsizlik vasitələrinin işləkliyi və funksionallığı yoxlanılmışdır.