Yaponiyada 2035-ci ilədək benzinlə işləyən avtomobillərin satışına qadağa qoyuldu

Yaponiya höküməti tərəfindən bildirilib ki, ölkədə 2035-ci ilə qədər benzinlə işləyən avtomobillərdən imtina ediləcək. Ümumiyyətlə benzinlə işləyən nəqliyyat vasitələri avtomobil bazarında satılmayacaq. Qeyd olunan son tarixə qədər alıcılar yalnız hibridlərə, elektrikli nəqliyyat vasitələrinə sahib olacağı gözlənilir. 

TED.az xəbər verir ki, qərarın verilməsində əsas məqsəd zərərli emissiyaların ölkədə yayılmasının qarşısını almaqdır.

Bu və ya bu kimi tədbirlər sayəsində 2050-ci ilədək Yaponiya hüdudlarında atmosferə atılan karbon qazı, eləcə də digər istixana tullantılarının səviyyəsinin tamamilə sıfırlanması hədəflənir.

Qeyd edək ki, Gündoğar ölkə gələcəkdə benzinlə işləyən avtomobillərdən imtina etmək niyyətini bəyan edən tək dövlət deyil. Məsələn, İngiltərə benzinlə işləyən maşınların satışını 2030-cu ilədək, Fransa isə 2040-cı ilə qədər qadağan etməyi planlaşdırır.