Yeganə nüsxədə buraxılmış "Ferrari" sportkarına müştəri tapılmır - FOTO

Texasda, cəmi 165 kilometrlik yürüş etmiş, 2012-ci ilin unikal Ferrari SP30 superkarı yenidən satışa çıxarılıb. Yeganə nüsxədə hazırlanmış idman avtomobilini, 2018-ci ildən bəri satmağa cəhd edirlər.

Ferrari SP30 sportkarı 2012-ci ildə Dubayda yaşayan iş adamı Çıraq Aryanın sifarişi ilə inşa edilmişdir. Eksklüziv avtomobil Ferrari 599 GTO superkarına əsaslanır, lakin zahiri cəhətdən modifikasiya edilmiş F12 Berlinetta və ya 812 Superfast modellərinə bənzəyir. Unikal idman avtomobilin sahibi onu ilk dəfə 2018-ci ildə satmağa cəhd göstərib.