1 əsr əvvəl Bakı küçələrində elektromobil - FOTO

Avtosfer Foto 4 İyul 2023 12:29 Oxunub 1016
1 əsr əvvəl Bakı küçələrində elektromobil  - FOTO
WhatsApp kanalımıza abunə ola bilərsiniz

Azərbaycanın paytaxtı elektrik nəqliyyatı ilə 1924-cü ildə tanış oldu.  

Avtosfer.az-ın xəbərinə görə, həmin ildə Bakının küçələrində tramvaylar şütüməyə başladı. 2 il sonra isə Sovet ittifaqında ilk elektrikli dəmir yolu Bakı–Sabunçu–Suraxanı xətti həyata vəsiqə aldı. Nəqliyyatda elektrikləşmə bununla bitmədi. 
Sənaye müəssisələrində də elektrik mühərrikli nəqliyyat vasitələrindən istifadə genişləndi. Bunlardan biri də fotodakı elektrokardır. Almaniya istehsalı olan texnikanın şəkli 1927-ci ildə Bakıda transformator daşıyarkən çəkilib.

Bir sözlə, Bakı elektromobillə 21-ci əsrin son 10 ilində deyil, ötən əsrin ilk qərinəsində tanış olub. Bu foto həm də ötən əsrdə Bakıda elektrik nəqliyyatının inkişaf tempini göstərir: 1924 – tramvay, 1926 – elektrik qatarı, 1927 – elektrokar. Bu dövrəni 1967-ci ildə Bakı metrosu tamamladı.

Vüqar

ŞƏRH YAZ
Ad

E-mail

Şərh