Altı yaşlı uşaqla yer üstündə dava edən qadın gündəm oldu - FOTO

Budapeştdən İngiltərəyə uçan təyyarədə xoşagəlməz anlar yaşanıb.

Avtosfer.az xarici mətbuata istinadla xəbər verir ki, ailəsiylə birlikdə səyahətə yollanan 6 yaşlı uşağın təyyarə qorxusu varmış. Səyahətə yalnız pəncərə kənarında oturmaq şərtilə razılaşan azyaşlı, təyyarə bortunda sürprizlə qarşılaşıb. Belə ki, “Ryanair” hava yolları şirkəti rezervasiyada səhvə yol verərək eyni oturacağı iki sərnişinə satıb. Ailə övladları üçün rezerv etdikləri yerdə başqa qadının əyləşdiyini görən zaman vəziyyəti ona izah etsələr də qadın razılaşmayıb; yerini dəyişməyəcəyini bildirib. Həyəcan keçirən 6 yaşlı Ryan Bandli adlı oğlan uşağı qorxusundan isterik vəziyyətə düşüb. Valideynlər aviaşirkətə şikayətlərini bildirsələr də nəticə əldə edə bilməyib. Hadisə sosial media istifadəçiləri tərəfindən hiddətlə qarşılanıb.

Nərminə Əli