Avtomat ötürücülü Gazel təqdim edilib - FOTO

Gazel NN yüngül kommersiya avtomobilinin robotlaşdırılmış sürət qutusu ilə təchiz edilmiş variantı təqdim edilib. 

Avtosfer.az-ın xəbərinə görə, avtomobil Comtrans-2023 sərgisində ictimaiyyətə göstərilib. Zavod bildirib ki, yeni sürət qutusunu öz mühəndisləri ərsəyə gətirib. 
Hələlik avtomobil cəmi 1 nüsxədə hazırlanıb və sınaq mərhələsindədir. Kütləvi istehsalın tarixi açıqlanmır. 

Avtomat ötürücü yalnız Dizel mühərrikli maşınlara quraşdırılacaq.