“Azərsu”nun lövhəsi ilə insanları aldadıb küçəni hasarlayırlar? - FOTOFAKT

Paytaxtın Buzovna qəsəbəsi, “Zuğulba Saray” şadlıq evinin arxasındakı yol zəbt edilib. Avtosfer.az xəbər verir ki, bu barədə sosial şəbəkələrdə fotolar paylaşılıb. Brlə ki, yolun bir tərəfində restoran, o biri tərəfində həyət evi yerləşir.

Hətta yolun girişinə plakat yerləşdirilib. Plakatdan aydın olur ki, "Azərsu" ASC təmir-tikinti işi apardığı üçün yol müvəqqəti bağlanıb. Əks tərəfdən baxdıqda isə yolda heç qazıntı işinin aparılmadığı məlum olur. Bu fotoda küçəni bölən hasarın tikildiyi görünür.

Sadəcə yol zəbt olunur. “Azərsu” ASC-nin məlumat lövhəsi isə insanları aldatmaq üçün vasitədir. 

Leyla