Bakıda 410 minə “Galendewagen” satan şəxsin başına iş gəldi - FOTO
Avtosfer Foto
2 Noyabr 2022 15:53
Oxunub 1750
Bakıda lüks avtomobil satan şəxs dələduzluqla üzləşdiyini bildirib.
Avtosfer.az-ın məlumatına görə, Bakı şəhər Baş Polis İdarəsinə müraciət edən paytaxt sakini, 1982-ci il təvəllüdlü M.Bayramov “Dubai Cars” avtomobil salonunda satışa qoyduğu “Mercedes Galendewagen” markalı avtomobilinin 410 min manata satıldığını, lakin pulun ona verilmədiyini deyib.
O bildirib ki, bir müddət əvvəl avtomobil salonunun adını xatırlamadığı satıcısı 90-MB-900 dövlət qeydiyyat nişanlı avtomobilini başqa şəxsə satıb və əldə etdiyi külli miqdarda vəsaiti mənimsəyib.
Baş Polis İdarəsinə daxil olan müraciət aidiyyəti üzrə Binəqədi Rayon Polis İdarəsinə göndərilib. Araşdırmalar aparılır.
Qeyd edək ki, sosial şəbəkələrdə 90-MB-900 dövlət qeydiyyat nişanının müxtəlif lüks avtomobillərə taxılmasını əks etdirən çoxsaylı görüntülər yayılıb.
***
Məsələ ilə bağlı “Dubai Cars” avtomobil satışı mərkəzinin Elsevər adlı əməkdaşı “Qafqazinfo”ya açıqlama verib. O bildirib ki, Mədət Bayramovun özünün onlara borcu var: “Mədət gəlib bizə olan 50 min dollar borcunu ödəsin, sonra gedib şikayət etsin”.
ŞƏRH YAZ
DİGƏR XƏBƏRLƏR
