Bakıda baxımsız qalan park avtodayanacağa çevrilib - FOTO

Qaraçuxur qəsəbəsində bir park var, o park uşaq parkıdır. 

Amma parkda uşaqlara aid heç nə qalmayıb, yelləncəklərin, hətta skamyaların yoxa çıxdığı deyilir. 

Bu parkın baxımsız vəziyyəti haqqında çox yazılıb. Qəsəbə sakinləri parkın unudulması üçün bilərəkdən bu hala salındığını düşünürlər. Park zibillənir, ağaclara qulluq göstərilmir, bəzi ağacların isə kəsildiyi bildirilir. 

Qəsəbədə boş qalan sahələrdə evlərin tikildiyini söyləyən sakinlər bir gün parkın ərazisinin də satışa çıxarılacağından ehtiyat edirlər. Onsuz da parkın ətrafında evlər tikilib və bir neçə evin qapısı parkın içinə açılır. 

Hazırda isə parkdan avtodayanacaq kimi istifadə olunur. 

Qeyd edək ki, park Bakı Şəhər İcra Hakimiyyətinin balansındadır. 

Fotoları təqdim edirik:

Leyla