Bakıda "ərəbzəngi" sürücü yolu kəsdi  - FOTO

Paytaxtın Azadlıq prospekti 127/131 ünvanında yolu kəsən sürücü sakinlərin giriş-çıxışına maneə yaradıb. Avtosfer.az xəbər verir ki, bu barədə oxuculardan biri şikayət ünvanlayıb. Bildirib ki, Bakı Sağlamlıq Mərkəzi ilə üzbəüz binanın girişində 90-EF-320 dövlət nömrə nişanlı, "Mercedes" markalı avtomobilin sürücüsü maşını səkidə park edərək gedib. Eyni zamanda avtomobil ilə binanın həyətinə giriş-çıxışı bağlayıb. 
Qeyd edək ki, bu qayda pozuntusunun 20 manat cəriməsi olsa da mənəvi yükü ağırdır. Xəstə olarsa təcili yardım, yaxud yanğın zamanı onu söndürmək üçün gələn maşın həyətə girə bilməyəcək. Fotoları təqdim edirik: