Bakıda səkini zəbt edən sürücüləri siz də tanıyın - FOTO

Paytaxtın Nərimanov rayonu, Fətəli Xan Xoyski küçəsində avtomobillər piyadaların hərəkəti üçün nəzərədə tutulmuş səkidə saxlanılır. Avtosfer.az xəbər verir ki, bu barədə sosial şəbəkələrdə fotolar paylaşılıb. Bildirilir ki, ərazidə hər gün eyni vəziyyətdir. Lakin bu sürücülər barəsində hər hansı tədbir görülmür. 

Qeyd edək ki, “Yol hərəkəti haqqında” Azərbaycan Respublikası Qanununun 52-ci maddəsinin tələbinə əsasən, piyada keçidlərində və onlara 5 metrdən az yaxınlıqda nizamlama vasitələrində başqa göstəriş nəzərdə tutulmayıbsa, səkilərdə dayanmaq qadağandır.

Qeyd edilən qaydaları pozan sürücülər haqqında İnzibati Xətalar Məcəlləsinin 346.1-ci maddəsinə əsasən, 20 manat cərimə nəzərdə tutulub. 

Leyla