Bakıda yolun ortasında yaşıllıq zolaqda tikilən obyekt söküldü - FOTO

Paytaxtın Xətai rayonu, Sarayevo küçəsində, yolun ortasındakı yaşıllıq zolağında obyekt tikilir. Bu barədə sosial şəbəkələrdə fotolar paylaşılıb.

Avtosfer.az xəbər verir ki, bir müddət əvvəl sakinlərin şikayətindən sonra tikinti qismən dayandırılmışdı. Lakin ətrafda yaşayanların sözlərinə görə artıq yaşıllıq zonasında bir neçə ağac kəsilib və diqqət çəkməmək üçün tikinti gecə saatlarında aparılıb. 

Məsələ ilə bağlı məlumatlar yayıldıqdan sonra Azərbaycan Respublikası Dövlət Şəhərsalma və Arxitektura Komitəsinin yanında Bakı Şəhər Memarlıq və Şəhərsalma Baş İdarəsinin əməkdaşları tərəfindən qeyd edilən ünvana şəhərsalma nəzarəti qaydasında monitorinq keçirilmiş və müvafiq qurumlar cəlb edilməklə lazımi tədbirlər görülərək özbaşına tikilinin sökülməsi təmin edilib.

Fotoları təqdim edirik:

Fərid