Bakının məşhur küçəsində aylardır açıq qalan kanalizasiya - FOTO

Bu küçədən ilk dəfə təxminən 6 ay əvvəl keçmişdim. O zaman fotodakı bu yağış kanalizasiyasının qapaqsız olduğunu görəndə fikirləşdim ki, yaxın günlərə düzələr. Bu gün eyni məkandan keçəndə köhnə hamam, köhnə tas məsəli yadıma düşdü. 
Əhməd Rəcəbli 191 ünvanında dayanacaın qarşısındakı yağış kanalizasiyasının lükünün qapağı azı 6 aydır yoxdur. Səbəbi məlum deyil. Amma fotonu çəkərkən dayanacaqda gözləyən xanımlardan biri bildirdi ki, axşam saatlarında hər gün bura maşın düşür. Yağış yağdıqda isə bura düşən maşınların sayı-hesabı bəlli olmur. 
Xoşbəxtlikdən bura avtobuslar düşmür, çünki sürücülər artıq öyrəşiblər.
Ümid edirik ağır nəticələrə səbəb olan qəza baş vermədən Bakının kommunal təsərrüfatına məsul qurumlar bu kanalizasiyaya diqqət yetirəcək.

Vüqar