Binəqədidə ağacları kəsib obyekt tikirlər? - FOTO

Binəqədi rayonu ərazisində yerləşən bu yaşıllıq sahəsi haqqında yazmışdıq. Söhbət 7-ci mikrorayon, Süleyman Sani Axundov küçəsindəki (“Dərnəgül” m/st. yaxınlığında) yaşıllıqdan gedir.

Uzun müddətdir metal torla hasarlanmış bu ağaclıq yer baxımsız qalıb. Əvvəllər ərazi başdan sona qədər sıx yaşıllıq olub. İndi ağacların bir qisminin məhv olduğu, prosesin davam etdiyi deyilir.

Şəkillərdən birincisi 2021-ci ilin fevralında çəkilib. Yeni fotolarla (son 3 şəkil) müqayisədə kəsilən və ya budanan ağaclar görünür. Fotoları göndərən izləyicimiz güman edir ki, ağaclar kəsilib və ərazidə tikinti işlərinə hazırlıq görülür. Budama olsaydı, başqa ağaclar da budanardı.