BNA kamera ilə yazdığı cərimələri silməyə başladı - FOTO

Xəbər veridiyimiz kimi Bakı Nəqliyyat Agentliyinin kamerası vasitəsilə cərimələnən Rəşad Xəlilov adlı sürücü protokolun ləğv edilməsi ilə bağlı BNA-ya müraciət etmişdi. Lakin BNA cavab məktubunda müxtəlif maddələrə istinad edərək ona bildirmişdi ki, protokol qanuni şəkildə tərtib olunduğu üçün ləğv edilməyəcək. Avtosfer.az xəbər verir ki, R.Xəlilov bununla bağlı Nərimanov rayon Məhkəməsinə şikayət ünvanladı və protokolun ləğv edilməsini tələb etdi. Hakim Gültəkin Əsədovanın sədrliyi ilə keçirilən məhkəmə zamanı sürücünün şikayəti təmin edilərək protokolun ləğv edilməsi barədə qərar qəbul edildi.

Sürücü R.Xəlilov Avtosfer.az-a bildirib ki, uzun çəkişmədən sonra BNA tərtib etdiyi protokolun qanunsuz olması ilə barışaraq protokolu sistemdən silib.

Fərid