BNA-nın yeni çəkdiyi sarı zolaqlara girən sürücüləri cərimə gözləyirmi? - FOTO
Avtosfer Foto 28 Noyabr 2022 16:29 Oxunub 2632
BNA-nın yeni çəkdiyi sarı zolaqlara girən sürücüləri cərimə gözləyirmi?  - FOTO

Bakı Nəqliyyat Agentliyi paytaxtın bir neçə küçə və prospektlərində 1.25 nişanlanması (sarı tor) tətbiq edib. Bu nişanlanma  xətti sürücülərdə çaşqınlıq yaradıb. BNA-nın mətbuat xidmətinin rəhbəri Mais Ağayev açıqlamasında bildirib ki, sarı boya ilə çəkilən nişanlanma xətləri digər nəqliyyat vasitələrinin həmin tora daxil olub istiqamət dəyişməsində və ya nişanlanma xətti boyunca hərəkətində hər hansı bir məhdudiyyət yaratmır. Sadəcə həmin torun üzəri daim boş saxlanılmalıdır. Xüsusən də sıxlıq və tıxac halları zamanı buradakı torun üzəri boş saxlanılmalıdır ki, bunun da məqsədi avtobuslar maneə olmadan zolağını dəyişərək fasiləsiz hərəkətini təmin etməkdir.

Sürücülər Avtosfer.az-ın qaynar xəttinə çoxsaylı müraciətlər göndərərək soruşurlar ki, bu nişanlanma xəttinin tələbinin pozulması inzibati məsuliyyət yaradır, yoxsa yox.

Qeyd edək ki, qanunvericiliyə görə 1.25 nişanlanma xəttinin tətbiqi yolayrıcları üçün nəzərdə tutulub. Əgər yolayrıcında, o cümlədən yolun hərəkət hissələrinin kəsişmə yerində, yaxud yolayrıcından və ya kəsişmə yerindən bilavasitə sonra tıxac yaranıbsa və bu, sürücünü dayanmağa məcbur edərək digər istiqamətlərdən nəqliyyat vasitələrinin hərəkəti üçün maneə yaradacaqsa, sürücünün belə yolayrıcına və ya 1.25 nişanlanması ilə işarələnmiş kəsişmə yerinə daxil olması qadağandır. Bu halda sürücü 3 bal 60 manat cərimə  oluna bilər. Lakin BNA-nın yolayrıclarından kənarda tətbiq etdiyi 1.25 nişanlanma xəttinin tələbini pozan sürücünü heç bir məsuliyyət gözləmir.

Nərminə Əli

ŞƏRH YAZ
Ad

E-mail

Şərh