Bu küçədə avtomobillərin səkini zəbt etməsi adi haldır - FOTO

Paytaxtın İbrahimpaşa Dadaşov küçəsində (Bakı Tennis Akademiyası yaxınlığında) maşınların səkiləri zəbt etməsi adi hal alıb. Avtosfer.az xəbər verir ki, bu barədə sakinlərdən şikayə daxil olur. Sakinlər bildirir ki, maşınların səkiyə daxil olmasına şərait yaradan qanunsuz kəsintilərin aradan qaldırılması və tumbalar quraşdırılması vacibdir.

Qeyd edək ki, sözügedən ünvanda əvvəl şadlıq sarayı (indi yerində “Brend House” mağazasıdır) fəaliyyət göstərib. Səkilərə qanunsuz çıxış yerlərinin o vaxt yaradıldığı, səki boyu əvvəllər ağaclar əkildiyi, amma həmin şadlıq sarayının ağacları da məhv etdiyi və hər yeri asfaltladığı deyilir.

İndi isə bu xaosu aradan qaldırmaq üçün aidiyyəti qurumların hərəkətə keçməsi zəruridir.

Leyla