Bu küçədə piyadalar bələdiyyənin həyətindən səki kimi istifadə edir - FOTO 

Bura Binəqədi bələdiyyəsinin (Azadlıq prospekti 184) qarşısındakı ərazidir. 

1-ci fotoda ensiz səki (solda) və səkidə maneələrin olduğu, eyni zamanda, bələdiyyənin həyəti (sağda) görünür.

İzləyicimizdən biri bu ərazidə rahat gediş-gəliş üçün bələdiyyənin həyətinin piyadaların tam istifadəsinə verilməsini təklif edib. Bunun üçün isə həyətin giriş qapısı və hasarı (2-ci foto), eləcə də həyətdəki baryer (3-cü foto) sökülməlidir. Nəticədə piyadalar bələdiyyənin həyəti ilə rahat şəkildə yola davam edə biləcəklər. 

Təklifə Binəqədi bələdiyyəsində baxılıb. Bildirilib ki, sözügedən ünvanda yerləşdiyi vaxtdan indiyə qədər bələdiyyə səkidə və ya həyətdə heç bir dəyişiklik (müdaxilə) etməyib, hazırkı vəziyyət əvvəldən belə olub. 

Kənar şəxslərin maşınlarının həyətə daxil olmasının qarşısını almaq üçün giriş qapısı yalnız axşam saatlarında bağlanır. Gündüz vaxtı isə piyadaların həyətdən sərbəst keçməsi üçün şərait yaradılır.

Fərid