Bu küçədə uşaq arabaları maşın yolu ilə getməyə məcburdur - SƏBƏB - FOTO

Paytaxtın Cəfər Xəndan küçəsində qəribə mənzərə yaranıb. Əlilliyi olan şəxslər və uşaq arabası ilə hərəkət edənlər avtomobillər olan yerə çıxmağa məcbur olur. Avtosfer.az xəbər verir ki, bu barədə sosial şəbəkələrdə fotolar paylaşılıb. Uşaq arabası ilə maşın yolunda hərəkət etməsinin səbəbləri səkiyə çıxış üçün pandusun olmaması, səkinin ensizliyi və səkidə işıq dirəklərinin, eləcə də bir qədər qarşıda park edilən maşınların maneə yaratmasıdır.

Bu küçədə səkilərin bir hissəsində (Reabilitasiya Manual Onurğa Terapiya Mərkəzi və avtoyuma məntəqəsi qarşısında) bordür daşları yastı şəkildə düzüldüyü üçün maşınlar səkidə saxlanılır. Digər tərəfdən isə uşaq arabaları səkiyə çıxa bilmir. Ümid edirik ki, küçələrin yenidən qurulması zamanı məsələ diqqətdə saxlanılacaq.

Leyla