Bu yolda hər gün yüzlərlə insanın həyatı təhlükədədir - Çıxış yolu nədir? - FOTO

Paytaxtın Nəsifbəy Yusifbəyli küçəsinin Gənclik metrosundan Azadlıq prospektinə gedən hissəsində hər gün yüzlərlə insan  yolun hərəkət hissəsilə getmək məcburiyyətində qalır. Avtosfer.az xəbər verir ki, bu barədə vətəndaşlar sosial şəbəkələrdə fotolar paylaşaraq şikayət ediblər. Belə ki, yolun hər iki istiqaməti üzrə 2 zolağı var.

Lakin əks istiqamətdə, yəni Azadlıq prospektindən Gənclik metrosu istiqamətinə, yəni Ceyhun Hacıbəyli küçəsindən Vaqif prospektinə gedən hissəsində çox az maşın hərəkət edir. Həmin istiqamətdən 1 zolağı kəsib hər 2 tərəfdən səkiyə qatmaq olar ki, bu yolda hərəkət edən yüzlərlə insanın həyatını təhlükədən xilas edilər.

Qeyd edək ki, həmin istiqamətdə Azərbaycan Universiteti yerləşir və bu insanların əksəriyyəti tələbələr və muəllimlərdilər.

Leyla