​​​​​​​Cəlilabadda iki maşın toqquşdu; dəhşətli qəzada ölən və xəsarət alanlar var - FOTOLAR

Avtosfer Foto 14 Dekabr 2023 19:03 Oxunub 1308
​​​​​​​Cəlilabadda iki maşın toqquşdu; dəhşətli qəzada ölən və xəsarət alanlar var - FOTOLAR
WhatsApp kanalımıza abunə ola bilərsiniz

Köhnə Ələt-Astara yolunun 125-ci kilometrliyində, Cəlilabadın Alar kəndi ərazisində ağır yol-nəqliyyat hadisəsi baş verib.

Biləsuvar istiqamətindən hərəkət edən “VAZ-2107” markalı minik avtomobili qarşıdan gələn “Mitsubishi” markalı maşınla toqquşub.

Çiskinli hava şəraitində baş verən qəzada “VAZ-2107”də olan sürücü və dörd sərnişin, eləcə də digər avtomobilin sürücüsü müxtəlif dərəcəli xəsarətlər alıblar.

Qəza nəticəsində 36 yaşlı Ülkər Səmədova, 59 yaşlı Zemfira Ağayeva, 37 yaşlı Rəşad Rzayev, 30 yaşlı Şövqi Qasımlı və Mehrac Qəhrəmanov xəsarət alıblar. Digər sərnişin Biləsuvarın Xırmandalı kənd sakini, 32 yaşlı Xosrov Cəfərli isə aldığı xəsarətlərdən hadisə yerində dünyasını dəyişib.

Cəlilabad Rayon Mərkəzi Xəstəxanasından bildirilib ki, yaralılardan biri Reanimasiya şöbəsinə yerləşdirilib, birinin isə əməliyyatı davam edir. Digər üç xəstənin vəziyyəti orta ağır olaraq qiymətləndirilir.

Baş vermiş qəza ilə bağlı hadisə yerində ilkin araşdırmalar aparılıb. Faktla bağlı Cəlilabad Rayon Prokurorluğunda cinayət işi açılıb.

***

Cəlilabadda ağır yol-nəqliyyat hadisəsi baş verib.

Avtosfer.az-ın verdiyi məlumata görə, hadisə köhnə Ələt-Astara magistralında, Cəlilabad rayonunun Alar kəndi ərazisində qeydə alınıb. Hərəkətdə olan "Mitsubishi" markalı minik avtomobili "VAZ-2107" markalı minik avtomobili ilə toqquşub. İlkin məlumata görə, toqquşma nəticəsində ölən və xəsarət alanlar var. Xəsarət alanlar rayon xəstəxanasına çatdırılıblar.

Faktla bağlı araşdırma aparılır. (apa)

Cəlilabadda iki maşın toqquşub, ölən və xəsarət alan var - FOTO Cəlilabadda iki maşın toqquşub, ölən və xəsarət alan var - FOTO Cəlilabadda iki maşın toqquşub, ölən və xəsarət alan var - FOTO

ŞƏRH YAZ
Ad

E-mail

Şərh