Daha bir yeniyetmənin taleyi yol qəzası nəticəsində yarımçıq qaldı... - FOTO

Hacıqabulda minik maşını TIR-la toqquşub, 15 yaşlı qız ölüb. Fotolara diqqət edin. Tipik manevr qaydasının pozulması halı baş verib. Ya sürücü hədsiz dərəcə yaxın məsafəyə yaxınlaşıb, yuxulu olub, ayılanda qəfil manevr edərək qəzadan yayınmağa başlayıb. Bu zaman yük maşınına arxa sol küncdən dəyib. Ya da sürətlə gələrək qəfil manevrlə ötmə əməliyyatı aparmaq istəyib. Bu da nəticəsi.

Biz deyəndə ki, hər şey manevrdən başlayır, çoxları ağız büzür ki, manevrdi də, nolacaq ki. Olanda bax belə olur.

Allah rəhmət eləsin yeniyetmə qıza. Böyüyüb yaxşı bir həkim, müəllim, vəkil olacaqdı, gözəl bir ana olacaqdı. Baxın, hər gün qəzalarda bax belə talelər qırılır...

Elməddin Muradlı