Dayanacaq, köşk və zibil qabı: bəs piyada haradan keçsin? - FOTO

Avtosfer Foto 29 Noyabr 2023 12:00 Oxunub 480
Dayanacaq, köşk və zibil qabı:  bəs piyada haradan keçsin?  - FOTO
WhatsApp kanalımıza abunə ola bilərsiniz

Paytaxın bir çox küçə və prospektlərində səkilərin vəziyyəti acınacaqlı durumdadır. Sanki bu şəhərdə insanlar yaşamır? Çünki insanların nəinki rahat, bəzi yerlərdə heç narahat da hərəkət etməsi üçün minimum şərait yoxdur.

Avtosfer.az xəbər verir ki, səkiləri zəbt edən ticarət köşkləri və onun ətrafında olan obyektlər insanların hərəkətini çətinləşdirir. Sosial şəbəkələrdə paylaşılmış fotolar Səbail rayonu ərazisində yerləşən Sabir bağının qarşısında çəkilib. Səkinin bir hissəsini dayanacaq və onun yanında olan köşk zəbt edib. İnsanlar məcbur olaraq dayanacaq və köşkün arxasından təhlükəsiz şəkildə hərəkət etməyi düşünür.

Lakin burada da vəziyyət daha acınacaqlıdır. Cəmi 1 metrlik məsafənin ortasına da zibil qabı quraşdırılıb. Ən yaxşı halda özünü zibil qabına sürtərək oradan keçə bilərsən. Maraqlıdır ki, bunu düşünən və icra edənlərin özləri, yaxınları, dostları buradan keçmir? Bəlkə də yox. Çünki ən azı bu barədə onlara irad bildirilərdi.

Ümid edirik ki, aidiyyəti qurumlar qeyd olunan məsələlərlə bağlı bird aha düşünəcək.

Fotoları təqdim edirik:

 

Orxan Əli

Avtosfer.az-ın redaktoru

FOTO QALEREYA
ŞƏRH YAZ
Ad

E-mail

Şərh