Cənubi Afrikanın şərqindəki Kvazulu-Natal əyalətində pikap və yük maşınının toqquşması nəticəsində 19-u uşaq olmaqla 21 nəfər həlak olub.

Avtosfer.az-ın xarici mediaya istinadla xəbərinə görə, qəza sentyabrın 16-da günorta saatlarında baş verib. Hadisənin təfərrüatları məlum deyil. Yerli hakimiyyət orqanları ölən uşaqların dərsdən sonra evə getdiyini, onları böyüklərin müşayiət etdiyini bildirməklə kifayətlənib. 

Yerli təcili tibbi yardım xidmətinin sözçüsü Robert Makkenzi bildirib ki, toqquşma zamanı iki böyük və 5-12 yaş arası 19 uşaq ölümcül xəsarətlər alıb.