Dünyanın ən qəzalı və biabırçı parkinq forması - FOTOLAR

Dünyanın hər yerində izah edilməyən, müəmmalı qəzaların baş verdiyi yerlər var. Məsələn, ABŞ-ın Şimali Karolina ştatındakı körpüdə 5 ildə 170 yük avtomobili qəzaya uğrayıb. Ya da Peterburqdakı məşhur “Qazel” tuneli. Minik avtomobilləri üçün nəzərdə tutulan tunelə hər həftə azı 1 yüngül kommersiya avtomobili girib ilişir. 
Avtosfer.az xəbər verir ki, Miçiqan ştatının Oburn şəhərində də belə lənətli parkinq mövcuddur. Məşhur Volmart supermarketin parkinqindəki 3 metal dirək sürücülərin baş bəlasına çevrilib. Dirək sarı rəngdə olsa da, sürücülər onu görmür, obrazlı desək dirəyə dırmanırlar. Son 3 ayda dirəklərə görə 45 qəza baş verib.