Əhmədlidə "ölümə tərk edilən" ağac xilas edildi - FOTO

Küçələrdə təmir-tikinti işləri zamanı ağaclara zərər vurulması halları məlumdur.

Belə hallardan biri də beton qalıqlarının ağacların dibinə atılması, ağacların gövdə ətrafının asfalt və ya səki daşları ilə örtülməsidir.

Avtosfer.az xəbər verir ki, vətəndaşlardan biri Məhəmməd Hadi küçəsində böyük bir şam ağacı sözün əsl mənasında ölümə məhkum edildiyini yazıb. Təqdim olunan fotolardan da aydın olur ki, ağacın dibi betondur, tədbir görülməsə gec-tez quruyacaq.

Bakı Şəhər Yaşıllaşdırma Təsərrüfatı Birliyindən Avtosfer.az-a bildirilib ki, sözügedən faktla bağlı ən qısa zamanda zəruri tədbirlər görülüb:
“Ağacın dibi betondan təmizlənib və ona aqrotexniki qulluq göstərilib”.

Nurlan