Əlil sürücünün yolunu kəsdi : "Əcəb edirəm..." - FOTO

Avtomobilini xəstəxananın girişində park etdi, insanların və maşınların hərəkətinə mane yaratdı. Avtosfer.az xəbər verir ki, şikayətçi telefonu ilə çəkilən fotolar Abşeron məhkəməsinin yanında yerləşən poliklinikanın önündə qeydə alınıb.

Saytımıza müraciət edən şikayətçinin sözlərinə görə, “VAZ2107” markalı, 24-BF-063 dövlət nömrə nişanlı avtomobilin sürücüsü maşınını poliklinikanın giriş-çıxış hissəsində park edərək bir müddətlik problem yaradıb. Etdiyi hərəkətin yanlış olduğu deyildiyi halda, əməlinə toz qondurmayan “sürücü” təxmini 20 dəqiqəyə qədər avtomobilini hərəkət etdirmədən eyni vəziyyətdə saxlayıb.

Sonda isə əlil, şəkər xəstəsi şikayətçiyə cavab olaraq “Əcəb edirəm, get kimə, hansı quruma deyirsən, de” bildirərək ərazidən uzaqlaşıb.

Üzərimizə düşən öhdəliyi yerinə yetirərək bu xəbəri işıqlandırdıq və Bakı Dövlət Yol Polisi İdarəsinin apardığı müntəzəm tənzimləmələrlə bu davranışın da layiqli şəkildə qiymətləndiriləcəyinə əminik.

Nərmin Əkbər