Ən böyük avtopark Bruney sultanına məxsusdur - FOTO

Ən böyük avtopark Bruney sultanına məxsusdur. Avtosfer.az xəbər verir ki, Bruneyin başçısı, Sultan Hacı Həssənal Bolkiahın ən böyük hobbisi avtomobillərdir. Onun 7000-ə yaxın avtomobili var ki, bu da onu dünyanın ən böyük avtoparkının sahibi edir. Sultanın avtoparkında 600 “Rolls-Royce”, təxminən 500 “Ferrari”, yüzlərlə nadir və unikal BMW, “Mercedes”, “Porsche”, “Jaguar”, “Bentley”, eləcə də 1980-ci ildən başlayaraq “Formula-1”in çempion bolidləri var. Dünyada cəmi 7 nüsxədə olan “Ferrari 456 GT Venice”in 6-sı Həssənal Bolkiaha məxsusdur. Onun təxminən 5 milyard dollar məbləğində dəyərləndirilən bütün bu sərvəti təyyarə anqarlarında saxlanılır, burada avtomobillərə mütəxəssislər qrupu xidmət göstərir.